Tuesday, February 8, 2011

ഫോട്ടോ ക്രിട്ടിക് ബ്ലോഗ്

ഫോട്ടോക്ലബ്ബിന്റെ പ്രവർത്തനങ്ങൾ കൂടുതൽ അംഗങ്ങളിലേക്ക് എത്തിക്കുന്നതിന്റെ ഭാഗമായി, സ്വന്തം ചിത്രങ്ങൾക്ക് ക്രിട്ടിക് കമന്റുകൾ ആഗ്രഹിക്കുന്നവർക്കായി ഒരു ഫോട്ടോക്രിട്ടിക് വിഭാഗം ആരംഭിച്ചിരിക്കുന്നു. ഫോട്ടോഗ്രാഫിയിൽ നവാഗതരായവർക്ക് ഇത് വളരെയേറെ പ്രയോജനപ്പെടും എന്നു വിശ്വസിക്കുന്നു. ആ ബ്ലോഗിലേക്കുള്ള ലിങ്ക് ഈ ബ്ലോഗിന്റെ മെനുബാറിൽ ചേർത്തിട്ടുണ്ട്. 

ക്യാപ്റ്റൻ ഹാഡോക് (ആഷ്‌ലി) യാണ്  ഈ പംക്തി coordinate ചെയ്യുന്നത് . ആദ്യ അദ്ധ്യായം ഇന്ന് ആരംഭിച്ചു. ലിങ്ക് ഇവിടെ.   ഓരോ ആഴ്ചയിലും മലയാളത്തിലെ ഫോട്ടോബ്ലോഗുകളിൽ പ്രസിദ്ധീകരിക്കുന്ന ചിത്രങ്ങളുടെ ഉടമകൾ ക്രിട്ടിക് കമന്റുകൾ ആഗ്രഹിക്കുന്നു എങ്കിൽ ആ പോസ്റ്റിന്റെ ലിങ്ക്, ചിത്രത്തിന്റെ URL എന്നിവ ഫോട്ടോക്ലബ്ബിനു അയച്ചു തരിക. അയക്കേണ്ട വിലാസം mlphotocritic@gmail.com. ക്ലബ് അംഗങ്ങൾ അയച്ചു തരുന്ന ചിത്രങ്ങളല്ലാതെ, ഫോട്ടോക്ലബ് സ്വയം ഒരു ചിത്രവും ഈ പംക്തിയിലേക്ക് തെരഞ്ഞെടുക്കുന്നതല്ല. 

ഇങ്ങനെ ലഭിക്കുന്ന ചിത്രങ്ങൾ ഒരു പോസ്റ്റായി പ്രസിദ്ധീകരിക്കുകയും ഒപ്പം ഫോട്ടോക്ലബ് റിവ്യൂ ടീം കമന്റുകൾ നൽകുകയും ചെയ്യൂം. വായനക്കാർക്കും ഏതു ചിത്രത്തേയും അവലോകനം ചെയ്യാം. ഇതിലേക്ക് ചിത്രങ്ങൾ അയച്ചുതരുന്നവർക്കായി ഒരു ചെറിയ കണ്ടീഷൻ ഉണ്ട്. ചിത്രങ്ങൾ ക്രിട്ടിക് കമന്റിനായി അയച്ചൂ തരുന്ന ഓരോ ഫോട്ടോഗ്രാഫറും, കുറഞ്ഞത് അതേ പോസ്റ്റിലെ മറ്റു   രണ്ടു ചിത്രങ്ങളെപ്പറ്റിയെങ്കിലും അഭിപ്രായം നിർബന്ധമായും പറയണം (കിടിലം, ഗംഭീരം എന്നിങ്ങനെ അല്ല; എന്തുകൊണ്ട് ഒരു ചിത്രം ഇഷ്ടമായി അല്ലെങ്കിൽ ആയില്ല എന്ന വിവരങ്ങളാണ് കമന്റിൽ വേണ്ടത്). കമന്റുകൾ പറയാത്തവരുടെ ചിത്രങ്ങൾ  അടുത്ത ക്രിട്ടിക് പോസ്റ്റുകളിൽ പരിഗണിക്കുന്നതല്ല. 

കൂടുതൽ വിവരങ്ങൾക്ക് ഫോട്ടോക്രിട്ടിക് ബ്ലോഗ് നോക്കുക. എല്ലാവരുടേയും സഹകരണം പ്രതീക്ഷിക്കുന്നു.  

2 comments:

ഞാന്‍:ഗന്ധര്‍വന്‍ said...

നല്ല സംരംഭം!! ആശംസകള്‍!!

RK said...

ഇത് ഇപ്പോൾ നിലവിലുണ്ടോ