Thursday, November 25, 2010

Composition Techniques 7 : Positioning Horizon

ഫോട്ടോ കമ്പോസിഷൻ ടെക്നിക്കുകളുടെ കൂട്ടത്തിൽ ഇന്ന് നമ്മൾ ചർച്ച ചെയ്യാൻ പോകുന്നത്‌, ലാന്റ്‌സ്കേപ്പ്‌ ഫോട്ടോകളിൽ ചക്രവാളം (Horizon) ഫ്രെയിമിന്റെ ഏതു ഭാഗത്ത്‌ പോസിഷൻ ചെയ്യണം എന്നതാണ്‌. ചക്രവാളം തിരശ്ചീനമായ ഒരു രേഖപോലെ കിട്ടുന്ന ചിത്രങ്ങൾ മിക്കവാറും കടൽ തീരത്തുവച്ച്‌ എടുക്കുന്നവ  ആയിരിക്കും. അതുപോലെ ഉയർന്ന ഒരു തലത്തിൽ നിന്ന് വളരെ അകലേക്ക്‌ നോക്കുന്ന രീതിയിലുള്ള ചിത്രങ്ങളിലും ചക്രവാളം ഒരു രേഖയായി കിട്ടും. ഇതുകൂടാതെ വളരെ വൈഡ്‌ ആംഗിളിൽ ഉള്ള ലാന്റ്‌സ്കേപ്പ്‌ ചിത്രങ്ങളിലും ഫ്രെയിമിന്റെ പിന്നറ്റത്തായി മലനിരകളോ മറ്റോ ചക്രവാളത്തിന്റെ അരികുകളായി പ്രത്യക്ഷപ്പെട്ടേക്കാം. ഇതിൽ ഏതു സാഹചര്യമായാലും ചക്രവാളത്തെ ഫ്രെയിമിന്റെ ഒത്തനടുക്ക്‌ പ്രതിഷ്ഠിക്കുന്നത്‌ ഫോട്ടോയുടെ ഭംഗിയെ ബാധിക്കും.


ഫോട്ടോഗ്രാഫർ :ലിനു

ഇങ്ങനെ ചെയ്താൽ, ചക്രവാളം ഫ്രെയിമിനെ രണ്ടു പകുതികളായി തിരിക്കുകയും ഇതിൽ ഏതു പകുതിക്കാണ്‌ കൂടുതൽ പ്രാധാന്യം എന്ന ഒരു കൺഫ്യൂഷൻ  കാഴ്ചക്കാരനിൽ ഉണ്ടാക്കുകയും ചെയ്യും എന്നതിനാലാണിത്‌ സംഭവിക്കുന്നത്‌. ഇത്‌ ഒഴിവാക്കാനായി ചെയ്യേണ്ട കാര്യങ്ങൾ ഇനി പറയുന്നു.

ഇപ്രകാരം ഒരു സാഹചര്യത്തിൽ ചിത്രങ്ങൾ എടുക്കേണ്ടിവരുമ്പോൾ, ആ രംഗത്തിന്റെ ഏതു ഭാഗമാണ്‌ നിങ്ങളെ അപ്പോൾ ആകർഷിച്ചത്‌ എന്ന് ചിത്രമെടുക്കുന്നതിനുമുമ്പ്‌ ആലോചിക്കുക. ഉദാഹരണത്തിനു അസ്തമയ സയത്ത്‌ കടൽതീരത്താണ്‌ നിങ്ങൾ ഉള്ളതെന്ന് സങ്കൽപ്പിക്കുക. വെള്ളത്തിലേക്ക്‌ പ്രതിഫലിക്കുന്ന സൂര്യകിരണങ്ങളും, വെള്ളത്തിന്റെ നിറവുമാണോ നിങ്ങളെ ആകർഷിച്ചത്‌? എങ്കിൽ ഫ്രെയിമിന്റെ മൂന്നിൽ രണ്ടു ഭാഗമെങ്കിലും കടലിനെ ഫ്രെയിം ചെയ്യാൻ ഉപയ‍ാഗിക്കാം. ഈ സാഹചര്യത്തിൽ ചക്രവാളം ഫ്രെയിമിന്റെ ഏകദേശം മൂന്നിലൊന്ന് ഭാഗത്ത്‌ മുകളിലായി വരുന്നു (റൂൾ ഓഫ്‌ തേഡിന്റെ തിരശ്ചീനമായ ഒരു രേഖ പോലെയും ഇതിനെ സങ്കൽപ്പിക്കാം).

മറിച്ച് ഇതേ സാഹചര്യത്തിൽ, മനോഹരമായ ആകാശവും, അതിലെ മേഘങ്ങളുടെ വർണ്ണവൈവിധ്യവും ലൈറ്റിംഗും ആണു നിങ്ങളെ ആകർഷിചതെങ്കിൽ ചക്രവാളത്തെ ഫ്രെയിമിന്റെ ഏകദേശം മൂന്നിലൊന്ന് ഭാഗം താഴെ വരത്തക്കവിധം പ്രതിഷ്ഠിക്കാം. ഇപ്പോൾ ഫ്രെയിമിന്റെ മൂന്നിൽ രണ്ടു ഭാഗങ്ങളും ആകാശത്തെയാണു പ്രതിധീകരിക്കുന്നത്‌ എന്നതു ശ്രദ്ധിക്കുക.

ഫോട്ടോഗ്രാഫർ :ലിനു

അതായത്‌ ഫ്രെയിമിന്റെ ഫോർഗ്രൗണ്ടിനാണു കൂടുതൽ പ്രാധാന്യമെങ്കിൽ ഫ്രെയിമിന്റെ ചക്രവാളത്തിനു താഴേക്ക്‌ കൂടുതൽ സ്ഥലം അവിടെ നൽകുക. അതല്ല ചക്രവാളത്തിനും മുകളിലുള്ള ആകാശമാണ്‌ കൂടുതൽ ആകർഷകമെങ്കിൽ ചക്ക്രവാളത്ത്നു മുകളിലേക്ക്‌ കൂടുതൽ സ്ഥലം അവിടെ നൽകുക.   മറ്റു ചില ഉദാഹരണങ്ങള്‍  കൂടി നോക്കൂ.



ഫോട്ടോഗ്രാഫർ :ലിനു


ഫോട്ടോഗ്രാഫർ :ലിനു

ഫോട്ടോഗ്രാഫർ : യൂസുഫ്‌ ഷാലി

അവസാനമായി ഒരു കാര്യം കൂടി. വളരെ ശ്രദ്ധേയമായ സബ്ജക്റ്റുകൾ ഫ്രെയിമിന്റെ നടുക്ക്‌ ഉണ്ടെങ്കിൽ തീർച്ചായായും ചക്രവാളത്തെ ഫ്രെയിമിന്റെ നടുക്കുതന്നെ പ്രതിഷ്ഠിക്കാവുന്നതാണ്‌. ഇതാ അത്തരത്തിലുള്ള ഒരു ഉദാഹരണം.   

ഫോട്ടോഗ്രാഫർ :പകൽകിനാവൻ

ഈ ടെക്നിക്ക്‌ ഉപയോഗിച്ചിരിക്കുന്ന / ഉപയോഗിക്കാത്ത കൂടുതൽ ചിത്രങ്ങൾ നിങ്ങൾ തന്നെ കണ്ടെത്തൂ.

11 comments:

NPT said...

നന്ദി........ഈ പോസ്റ്റിന്........

അലി said...

വളരെ പ്രയോജനകരമായ പോസ്റ്റ്‌ ... നന്ദി!

Renjith said...

നല്ല പോസ്റ്റ് നന്ദി

റ്റോംസ്‌ || thattakam .com said...

നല്ല പോസ്റ്റ്

മോഹനം said...

നന്ദി..:-)

Rainbow said...

informative, thanks for the post!

നന്ദു | naNdu | നന്ദു said...

Thank you.. thank you very much!

Dejemonos sorprender said...

Hi, wonderful pictures.. i really liked..

സാജിദ് കെ.എ said...

നന്ദി...

JIJIN.PM said...

Valare Nannayitund.....

ഷാജി said...

thank you